پاکستان : آئی ایم معاہدے سے ڈالر کی قیمتوں میں بڑی گراوٹ

فاریکس ایسوسی ایشن آف پاکستان کے صدر ملک محمد بوستان نے کہا ہے کہ مارکیٹیں کھلیں گی تو ڈالر کا ریٹ فوری 5 سے 10 روپے کم ہو گا.

ملک بوستان نے اپنے ایک تازہ بیان میں کہا ہے کہ آئی ایم ایف سے معاہدہ عید پر بہت بڑی خوش خبری ہے. کامیابیوں کے تسلسل کو برقرار رکھنے کے لیے پاکستان کو اپنے معاہدوں کو پورا کرنا ہوگا.

انہوں نے مزید کہا ہے کہ آئی ایم ایف سے فنڈز ملنے سے بند دروازے کھل گئے ہیں، اس معاہدے سے فارن ایکسچینج بڑھے گا۔

دوسری جانب معاشی ماہر شاہد علی نے اپنے ایک بیان میں کہا ہے کہ بین الاقوامی مالیاتی فنڈ (آئی ایم ایف) سے معاہدے سے مہنگائی کی شرح میں کمی آنا شروع ہو گی۔

انہوں نے آئی ایم ایف سے پاکستان کے اسٹاف لیول معاہدے پر خوشی کا اظہار کرتے ہوئے کہا ہے کہ یہ معاہدہ بہت مثبت پیش رفت ہے. اُن کا مزید کہنا ہے کہ ہمیں کرنٹ اکاونٹ سرپلس کی کوشش رکھنی چاہیے. پائیداری کے لیے امپورٹ کھولنا ہو گی.

آئی ایم ایف سے معاہدے کے بعد ڈالر سٹاک کرنے والوں میں پریشانی کی لہر دوڑ گئی ہے. نقصان سے بچنے کے لیے سٹاکسٹ بڑی مقدار میں ڈالر سیل کر رہے ہیں.