بھارتی وزیر اعظم نریندر مودی کا یو اے ای کا دورہ

یو اے ای کے صدر عزت مآب شیخ محمد بن زاید النہیان نے ہفتہ کی سہ پہر قصر الوطن میں ایک عظیم الشان تقریب میں ہندوستانی وزیر اعظم نریندر مودی کا استقبال کیا ہے۔

واضح رہے کہ بھارتی وزیراعظم نریندر مودی فرانس کے دورے کے بعد اس وقت متحدہ عرب امارات کے سرکاری دورے پر ہیں۔ توقع ہے کہ دونوں رہنما متحدہ عرب امارات اور ہندوستان کے درمیان دوطرفہ تعلقات کو مزید مضبوط بنانے کے لیے بات چیت کریں گے۔

وزیراعظم مودی نے شیخ خالد کا ایئرپورٹ پر استقبال کرنے پر شکریہ ادا کیا۔ اپنے ایک ٹویٹ میں وزیراعظم مودی نے کہا کہ آج ایئرپورٹ پر میرا استقبال کرنے کے لیے ولی عہد شہزادہ ایچ ایچ شیخ خالد بن محمد بن زید النہیان کا شکرگزار ہوں۔

ہندوستانی وزارت خارجہ نے اپنے ایک بیان میں کہا ہے کہ متحدہ عرب امارات کے سرکاری دورے کے ایک حصے کے طور پر، مودی صدر عزت مآب شیخ محمد بن زید النہیان سے ملاقات اور بات چیت کریں گے۔