ہندوستان کا چندریان 3 تاریخی چاند مشن کے لیے روانہ

ہندوستان کا چندریان 3 خلائی جہاز جمعہ کو دوپہر 2.35 بجے (یو اے ای کے وقت کے مطابق 1.05 بجے) تاریخی چاند مشن کے لیے روانہ ہو گیا ہے۔

قبل ازیں ہندوستانی وزیر اعظم نریندر مودی نے ٹویٹ کیا کہ "یہ قابل ذکر مشن ہماری قوم کی امیدوں اور خوابوں کو لے کر جائے گا۔”

تفصیلات کے مطابق یہ راکٹ چاند کے قطب جنوبی پر ایک روبوٹک روور اتارنے کی کوشش کرے گا۔ چاند کا یہ جنوبی قطب خلائی ایجنسیوں اور نجی خلائی کمپنیوں کے لیے خصوصی دلچسپی کا باعث ہے۔ اس علاقے میں پانی اور برف کی موجودگی مستقبل کے خلائی اسٹیشن کو سہارا دے سکتی ہے۔ یہ خلائی تحقیق کے لیے اور دوسرے سیاروں پر جانے کے لیے پہلا قدم ہوگا۔

چندریان-3 لانچ راکٹ 23 اگست کے قریب طے شدہ لینڈنگ کے لیے چاند کی طرف لپکنے سے پہلے خلائی جہاز کو بیضوی زمین کے مدار میں اڑا دے گا۔

اگر چندریان مشن کامیاب ہو جاتا ہے تو بھارت تین دیگر ممالک کے گروپ میں شامل ہو جائے گا جو چاند پر کامیابی سے لینڈنگ کر چکے ہیں۔ ان ممالک میں امریکہ، سابق سوویت یونین اور چین شامل ہیں۔

چندریان کا مطلب سنسکرت میں "چاند کی گاڑی” ہے۔ اس گاڑی میں دو میٹر (6.6 فٹ) لمبا لینڈر شامل ہے۔ یہ لینڈر چاند کے جنوبی قطب کے قریب ایک روور کو تعینات کرنے کے لیے ڈیزائن کیا گیا ہے۔ یہ روور تجربات کی ایک سیریز کے دوران دو ہفتوں تک فعال رہنے کی امید ہے۔